بەدواداچوونی وەرگرتنی یەک هەژمار
ئەم پەڕەیە چییە؟
هەموو ئەو پسووڵانەی هەژمارێک کە بڕیاریان لەسەر نەدراوە، لە یەک شوێندا — جیاوازی ناکات ئەو هەژمارە پارەکەی ناردبێت یان وەریگرتبێت. هەردوو لا لێرە دەردەکەون، چونکە کاتێک بە تەلەفۆن لەگەڵ کڕیار قسە دەکەیت کارت بە هەموو پسووڵە کراوەکانییەتی، نەک بە یەک ڕیز.
لە مێنیودا نییە و پێویستیشی نییە: لە کۆنترۆڵی وەرگرتن (کلیک لەسەر ناوی هەر لایەک) و لە کەشفی حسابی هەمان کڕیارەوە دەکرێتەوە.
ستوونی «ڕۆڵی ئەم هەژمارە»
دەڵێت لەو پسووڵەیەدا هەژمارەکە پارەدەر بووە یان وەرگر. بە یەک سەیرکردن دیار دەبێت دەبێت بپرسیت «ناردت؟» یان «گەیشت؟».
دوو دوگمەی واتساپ
هەر ڕیزێک دوو دوگمەی هەیە: پارەدەر و وەرگر. واتە دەتوانیت بەدوای هەر لایەکی هەمان مامەڵەدا بچیت، نەک تەنها نێردەر. ئەگەر ئەو لایە گرووپی واتساپی نەبوو یان پەیوەندی واتساپەکەت نەبوو، دوگمەکە کوژاوە دەمێنێتەوە و هۆکارەکەی لەسەر hover دەڵێت. پەیامەکە تەنها بە کلیکی خۆت دەنێردرێت، هەرگیز بەخۆکاری نا.
پشتڕاستکردنەوە و تۆمارکردنی کێشە
هەمان دوگمەی هەمیشەیی (✓ و ⚠) لێرەش کار دەکەن؛ پێویست ناکات بۆ داخستنی پسووڵەیەک بگەڕێیتەوە پەڕەی کۆنترۆڵی وەرگرتن.
ئەوانەی بەم دواییە بڕیاریان لەسەر درا
دوایین دە پسووڵەی داخراو لە خوارەوەی پەڕەکە دەردەکەون، تەنها بۆ ئەوەی بزانیت پێشتر چی ڕوویداوە. کاری ئەمڕۆ قەرەباڵغ ناکەن.